Hræðsluáróður í morgunsárið

Hef verið dyggur stuðningsmaður beins lýðræðis og styð ákvörðun forsetans heilum hug.  En þegar ég blaðaði í gegnum Fréttablaðið í morgun með hverri fyrirsögninni af annarri sem lýsir hræðilegum afleiðingum ákvörðun forsetans runnu á mig tvær grímur.  En ég jafnaði mig fljótt þegar ég minntist þess hver er eigandi Fréttablaðsins og augljósum ástæðum fyrir þann eiganda að vilja að Icesave málið hverfi úr huga almennings sem allra fyrst.

Staða Íslands væri stórlöskuð

Athugasemdir

[Einar Solheim, 6.1.2010 kl. 15:21]

Af hverju?  Gagnrýni á Icesave málið er fyrst og fremst sett fram sem gagnrýni á núverandi ríkisstjórn (með réttu eða röngu).  Núverandi eigendur fréttablaðsins hafa EKKERT með Icesave að gera.  Það ætti einmitt frekar að vera þeirra hagur að þjóðin haldi áfram að röfla um Icesave þannig að þeir hafi athafnarými til að gera það sem þeim sýnist.

Því miður vöknuðu íslendingar flestir upp við það að staða þeirra er mun verri en þegar þeir vöknuðu í gær.  Það er hinn blákaldi sannleikur.

[Róbert Viðar Bjarnason, 6.1.2010 kl. 15:41]

Í mínum huga er það augljóst að hatur Íslendinga á "útrásarvíkingum" hefur verið og er að magnast upp því lengur sem Icesave dregst á frest.  Þannig að eigandi fréttablaðsins hefur mikinn hag af því að málið hverfi hratt úr huga almennings.