Dollar er betri kostur

Það þarf að láta á það reyna hvort hægt sé að semja við Seðlabanka Bandaríkjanna um að skipta út krónunni.  Það ætti ekki að kosta þá mikið að stækka myntkerfi dollars sem nemur íslenskum krónum á gengi sem við ákveðum.  Ef krónunum er hent þá verður ekki devaluation af dollurum í umferð í Bandaríkjunum. Síðan hefur því verið fleygt að Íslensku bankarnir lendi í stórri eigu erlendra banka þannig að lánveitanda til þrautavara kæmi erlendis frá þar. Og það ætti ekki að vera þörf á lánveitanda til þrautavara fyrir okkar seðlabanka þar sem við mundum ekki þurfa okkar eigin seðlabanka ef við tækjum upp dollar.

Bendi á tvær hugmyndir tengdar upptöku dollars.

Grænt Bandalag Við Bandaríkin (Upptaka dollars í samstarfi við Seðlabanka Bandaríkjanna)
http://www.facebook.com/group.php?gid=42789560971

Dollar Strax!
http://gunnarwaage.blog.is/blog/gunnarwaage/entry/725357/ og http://altice.blog.is/blog/altice/entry/724755/

Vilja tengja íslensku krónuna við þá norsku

Athugasemdir

[Róbert Viðar Bjarnason, 26.11.2008 kl. 22:19]

Bjarne - Þjóðargjaldþrot og fólksflótti með trilljóna fleytingu á dauðri krónu eru stærri landráð ;)

[Jón Magnússon, 26.11.2008 kl. 22:47]

Það kann vel að vera að dollar komi til greina.  Við erum ekki að útiloka það. Norska krónan er miklu nærtækari fyrir okkur en dollar.

[Róbert Viðar Bjarnason, 26.11.2008 kl. 22:55]

Jón - Ég er sammála því að skoða Norsku krónuna líka.  Báða möguleika þarf að skoða, hratt, áður en við reynum þessa hættulegu krónu fleytingu.

Hér er nýr hópur á Facebook, sem styður Norska krónu og telur nú þegar yfir 100 Íslendinga:

 "Bandalag Íslands og Noregs = Noris union?"
http://www.facebook.com/group.php?gid=46149039415&ref=nf

[Sigurður Eggert Halldóruson, 27.11.2008 kl. 00:58]

Hugsið aðeins út í stöðu USD áður en lengra er haldið:

Líkt og eftirspurnin hélt uppi íslensku krónunni núna seinustu ár, sem olli því að hún varð óréttilega sterk, að þá á það sama við um dollar. Öll viðskipti olíu í heiminum (fyrir utan Venezuela? ekki viss) fara í gegnum dollar, sem þýðir, að fyrir olíukaup þurfa löndin að kaupa dollar og svo kaupa olíuna. Ef það kæmi einhverntíma til þess að olían rynni upp, eða það yrði verslað með olíu í öðrum gjaldmiðli, þá gæti dollarinn lent í svipuðum hremmingum og ISK er að díla við. Ef aftur á móti öll olíuviðskipti yrðu færð yfir í evru, þá myndi það styrkja hana hressilega.

Eins og ég sé dollarinn, að þá væri hægt að einfalda það á þann hátt að segja að hann sé eins og þetta íslenska vandamál sem við erum að etja við núna... nema bara svo mikið stærra. Það er þvílíkt búið að þynna dollarinn frá því að Íraksstríðið hófst og þetta er bara bóla sem á eftir að springa. Rétt eins og krónan var orðin of sterk, og sprakk svo í október.

Sama á við ef að kínverjum dytti í hug að leysa út þau bonds sem þau hafa keypt af bandarísku ríkisstjórninni. Þá færi allt fjandans til með $.

Kosturinn við dollar er reyndar sá að þetta er stærsti gjaldmiðill í heimi, en hann fer samt "minnkandi" og ég trúi því að ég muni sjá evruna rísa uppfyrir dollar á minni lífstíð.

En evran er þegar í notkun í bandalagi 500 milljón manna, nágranna okkar, og ég trúi því að best væri að taka upp evruna eins fljótt og auðið er. Það mun vera sárt... það mun kosta. En það þarf þá að öllum líkindum ekki að skipta AFTUR um gjaldmiðil eftir 10 eða 20 ár.

Sama hvað gert verður; það þarf að gera það rétt í fyrstu tilraun.

[Róbert Viðar Bjarnason, 27.11.2008 kl. 01:13]

Það eru að sjálfsögðu áhættur hvaða leið sem við förum.  Nú er málið að skoða alla möguleika og velja þann sem ber minnstu áhættuna.

Hér er nýleg grein um styrk dollars:

"Bandaríkin ætla að drekkja heiminum í dollaraseðlum"
http://www.visir.is/article/20081124/VIDSKIPTI/581173932/-1  

Hér er línurit sem sýnir yfirburðarstærð dollars yfir Evru og hversu langt er í að Evran nái sömu stærð.

[Guðmundur Ásgeirsson, 27.11.2008 kl. 03:29]

U$D í stað ISK? Glætan! Ekki á minni lífstíð. 

Sigurður Eggert, það er ekki alveg hárrétt að öll olíuviðskipti fari fram í dollurum. Rússar og Íranir eru t.d. að koma upp olíumarkaði þar sem viðskipti munu ekki fara fram í dollurum, sem er hin sanna ástæða fyrir andúð BNA í þeirra garð. Saddam nokkur Hussein ætlaði að hefja olíuviðskipti í Evrum árið 2003 en varð ekki kápan úr því klæðinu, og við vitum hvernig fór fyrir honum kallinum. Vaxandi olíuviðskipti í heiminum með tilheyrandi útþenslu dollarahagkerfisins er í raun það eina sem hefur haldið gengi hans uppi undanfarin ár. Á sama tíma hefur raun-hagvöxur innanlands í BNA verið neikvæður, en þeir gæta þess bara að segja engum frá því til að forðast skortsölu á dollurum. Nú síðast hafa þeir verið að dæla ýmsum vermætum á borð við gull og silfur og nú síðast olíubirgðum inn á dollaramarkaðinn (sem gæti skýrt óvenjulegt verðfall á olíu nýlega) en þannig hefur verið búið til falskt gengi á "grænbakinn". Kínverjar sem eiga stærsta einstaka hlutann af "viðskiptahallanum" (skuldunum) eru hinsvegar byrjaðir að kveikja á perunni og senn verður þolinmæði þeirra á þrotum, sem gæti þýtt einhverskonar átök eða jafnvel bara yfirtöku sem báðar hliðar gera sér grein fyrir að er ódýrara en að sprengja hvorn annan aftur á steinöld. Ýmsar þjóðir (t.d. Venezuela og Rússland) eru reyndar byrjaðar að losa sig við dollarana sína, með þeirri afleiðingu að gengi hans er þegar orðið óstöðugt og mun falla eftir því sem fleiri bætast í hópinn. Dollarinn er því núna ekki í ósvipaðri stöðu og krónan var fyrir um ári síðan: stórlega ofmetinn og riðar til falls. Ef fram heldur sem horfir í efnahagslífinu vestra mun "grænbakur" sennilega hrapa og lenda í frjálsu falli einhverntímann á næsta ári. Erlendar skuldir BNA nema nú um 11 trilljón $, en miðað við höfðatöluna alræmdu er það umtalsvert hærri upphæð en sú skuldsetning sem íslenska ríkið stendur nú frammi fyrir gagnvart Alþjóða Gjaldeyrissjóðnum & félögum. Sem gæti útskýrt af hverju þeir eru núna að nota Ísland sem "míkró-módel" til að prufukeyra þessa atburðarás, hugsanlega erum við bara hluti af stærstu efnahagslegu heræfingu sögunnar. ("Economic Wargames 2008: Reykjavík"!)

Róbert, jafnvel þó þeir þykist geta reddað þessu með því að kveikja bara á prentvélunum og drekkja heiminum í grænbak, þá mun það bara flýta falli hans og leiða til óðaverðbólgu af stærðargráðu sem heimurinn hefur aldrei séð áður. Dollarinn er ekki tryggður með neinu lengur nema vopnaframleiðslu og ef Obama efnir stóru orðin sér fyrir endann á því, bílaiðnaðurinn á leiðinni í gjaldþrot eða þjóðnýtingu og mestallt húsnæði er orðið yfirveðsett. Áframhaldandi rýring myntgrunnsins mun því aðeins leiða til einnar niðurstöðu: Þegar verðgildi hvers dollaraseðils verður orðið minna en kostnaðurinn við að prenta hann, þá munu prentvélarnar einfaldlega stöðvast. Nokkurnveginn það sem átt er við þegar talað er um að gjaldmiðill sé "ekki virði pappírsins sem hann er prentaður á". Ég yrði ekki hissa þó þá muni hrikta í stoðum þjóðfélagsins þarna vestra, t.d. þegar ekki verður lengur hægt að greiða laun til opinberra starfsmanna á borð við lögreglu, slökkvilið, þjóðvarðliðið o.fl. Kannski munu önnur ríki grípa inn í með því að fjárfesta í bandarísku atvinnulífi en þá fara áhrifin algjörlega eftir því hver fjárfestirinn er (Kína? Saudi Arabía?). Kannski munu einkaverktakar taka að sér löggæslu gegn vöruskiptum eða einhverju slíku og smám eignast allt þangað til þeir hafa yfirtekið landið eða stór svæði þess. Ég myndi semsagt bíða með að skipuleggja ferðalög vestur um á næstunni....

Svo getur alveg verið að ég sé bara að bulla, en þá er ykkur líka í sjálfsvald hvort þið takið mark á þessu. Lindsay Williams spáði líka 50$ olíufati fyrir 12 mánuðum síðan, og þá héldu flestir að hann væri að bulla! ;)

[Róbert Viðar Bjarnason, 27.11.2008 kl. 13:39]

Bofs - Um að gera að reyna að velta upp öllum hugsanlegum flötum á mismunandi plönum.  Eina sem við erum að þrýsta á núna er að fleiri leiðir heldur en þessi hættulega krónufleyting séu að minnsta kosti ræddar opinberlega...

[Guðmundur Ásgeirsson, 28.11.2008 kl. 00:11]

Jamm, tek undir það Róbert. Það er alltaf gott að skoða fleiri en bara einn möguleika í hverri stöðu, og helst fleiri en tvo ef það er hægt og tíminn leyfir.