Stigmagnandi reiði unga fólksins

Mjög leiðinlegt ef fólk hefur meitt sig, frá báðum hliðum - áhugavert að vita hvort þessi meiðsli komu fyrir eða eftir að lögregla beitti piparúða, þegar svoleiðis er notað grípur oftar en ekki um sig skelfing sem getur valdið meiðslum hjá fólki sem flýr úðan.

En á meðan ekkert breytist og engin tekur ábyrgð, á þessi reiði unga fólksins bara eftir að stigmagnast, vonandi samt ekki á sama stig eins og mótmæli í Grikklandi eða Frakklandi, þar sem fólk stundum missir lífið og gífurlegt eignartjón á sér stað.

Annars var það óhugnanlegasta að sitja með fjölskyldunni og horfa á Kryddsíldina og sjá skiltið þar sem þættinum var aflýst og síðan beint í skemmtiefni.  Við skiptum á milli allra stöðva bæði í útvarpi og sjónvarpi og það virtist sem ekkert hefði gerst, skemmtiefnið rúllaði bara áfram.  Maður fékk svona á tilfinninguna að maður hefði færst í tíma og rúmi til Sovétríkjanna og þessi atburður hafi bara verið þurrkaður út úr sögunni...  En svo fór maður á bloggið góða þar sem smá saman er að koma sönn mynd af því sem þarna gerðist.

Gleðilegt ár!

Fólk slasað eftir mótmæli

Athugasemdir

[Kristinn (IP-tala skráð) 31.12.2008 kl. 15:58]

"hugavert að vita hvort þessi meiðsli komu fyrir eða eftir að lögregla beitti piparúða, þegar svoleiðis er notað grípur oftar en ekki um sig skelfing sem getur valdið meiðslum hjá fólki sem flýr úðan."

í þessu panikki taka þau óvart tæknifólk stöðvar2 hálstaki osfrv.  eða ?

[Róbert Viðar Bjarnason, 31.12.2008 kl. 16:12]

Kristinn - Ég var ekki á staðnum, sástu tæknifólk stöðvar 2 meitt af mótmælendum áður en lögregla notaði táragasið?

[Guðmundur E.Jóelsson (IP-tala skráð) 31.12.2008 kl. 16:34]

Það er nefnilega það það eru 2 hliðar á öllum málum ,

Það vill nú svo til sem betur fer að það eru til þeir sem þora að ganga lengra en aðrir í mótmælum og það er nú svo að þegar upp úr sýður þá skiptir ekki máli hver á hvað,það er í eðli mannsins að taka eitthvað upp og kasta einhverju að þeim sem hann er að mótmæla þegar ekki er hlustað ,lýtið á sögunna þetta er bara staðreynd sem ekki er hægt að lýta framhjá .Og að espa upp menn hefur alltaf þýtt það að til óláta kemur .það hafa ekki allir staðfestu um friðsamleg mótmæli eins og gandí hafði á sínum tíma  .Það þarf aldeilis mikið til þess .Sérstaklega þegar er stutt í kveikiþráðnum.

[Róbert Viðar Bjarnason, 31.12.2008 kl. 17:18]

Var að horfa á myndbandið á visir.is hér http://visir.is/article/20081231/FRETTIR01/888977318

Það sem manni blöskrar er að sjá að þarna í byrjun er öryggisgæsla í höndum tæknimanna stöðvar 2 og, að manni sýnist, matreiðslumeistara Hótel Borgar!

Það er búið að vera að tala um plön fyrir þessi mótmæli í marga daga, gat ekki lögreglan búist við því að þarna yrðu læti?

Síðan var táragasi beitt að manni virðist á hóp sitjandi fólks fyrir utan eftir að hlutirnir virtust hafa róast mjög mikið...