Ál, Olía eða Mannauður?

Ímynd Íslands út á við hefur verið hreint og fallegt land sem notar endurnýjanlega orku - af þessari ástæðu einni koma þúsundir af þeim ferðamönnum sem hér halda uppi blómlegum ferðamannaiðnaði - en svo kom álið, og svo meira ál planað - og nú allt í einu dreymir okkur öllum um svartagull og olíuvinnslu í landi...

Er ál og olía virkilega framtíðarsýn meirihluta Íslendinga? Af hverju getum við ekki verið meira eins og Danmörk þar sem þeirra stærsta "auðlind" er mannauður fólksins í landinu?

"With very few natural resources, the mixed economy of Denmark relies almost entirely on human resources."

http://en.wikipedia.org/wiki/Economy_of_Denmark

ps. Já, ég veit að Danmörk vinnur smávegis af olíu og gasi í Norðursjó en það er minna en 9% af þeirra útflutningi - næstum 74% af þeirra GDP er þjónusta og hugvit...

Hlýnunin felur í sér tækifæri

Athugasemdir

[Ólafur Ágúst Guðmundsson, 30.4.2009 kl. 01:31]

Shubi-Dua sungu um Svisslendinga að "de er rige/for de er aldrig i krige...". Danir eru enn konungsríki. Þeir eru enn nýlenduríki. Ríkissjóður Dana fékk ansi bratt start 730 - 1030 A.D. (300 ár) þegar þeir fóru ránshendi um nágrannalöndin og söfnuðu silfri sínu. Lengi býr að fyrstu gerð. Með snjöllu PR komu þeir óorðinu yfir á Norðmenn og Íslendinga með "rebranding" í Víkinga. Hugtakið "Norðurlöndin" er síðan 1952, enda var Skandinavía einn mikilvægasti hluti Stór-Prússlands bæði efnahagslega og menningarlega. Yfirstéttin í SAS + Eystrasalti er ennþá öll af gamla þýska herraþjóðarslektinu sem hefur ekki enn fyrirgefið Rússum að þjóðnýta auðlindir austursins. Þessir hræsnarar eru spinmeisters helvítis, og óþarfi að kaupa þeirra spin mikið lengur. Jónas frá Hriflu hafði nefnilega rétt fyrir sér þótt hann sé ekki lengur Politically Correct á Íslandi. EU er ekki Evrópa.

[Gunnar Th. Gunnarsson, 30.4.2009 kl. 02:20]

Finnst þér 9% af útflutningi vera lítið??

Danmörk er mjög vel í sveit sett landfræðilega m.t.t. verslunar og þjónustu. Menning og vísindi hafa verið þar í árhundruðir á heimsmælikvarða og hefð þeirra sem miðpunktur N-Evrópu er gríðarlega mkils virði.

Afhverju erum við ekki eins og Danir?.... barnaleg spurning, en við eigum auðvitað að stefna á það, að sjálfsögðu. Við eigum að vera opin fyrir öllum tækifærum og eitt útilokar ekki annað í þeim efnum.

[Róbert Viðar Bjarnason, 30.4.2009 kl. 02:42]

Gunnar - Íslensk umræða virðist alltaf ferðast frá einni patent lausn til annarrar, álver eiga að redda okkur, við verðum stærst í fjármálabraski, olían á að redda okkur, ESB á að redda okkur - það er mikið af vel menntuðu fólki hérna á Íslandi, og íslendingar sem búa erlendis reyndar líka - fólk sem væri til í meiri fjölbreytni í áherslum og framtíðarsýn sem byggir á mannauði í stað patent lausna.  Auðvitað eigum við líka að nýta okkur auðlindir hafsins, endurnýtanlega orku og aðrar sjálfbærar auðlindir en það vantar umræður og hugmyndaflug til að búa til úr þessu meiri verðmæti...

[Gunnar Th. Gunnarsson, 30.4.2009 kl. 02:54]

Það hefur aldrei neinn talað um að álið eigi að redda okkur, nemna þá helst þeir sem eru harðlega á móti slíkri atvinnustarfsemi. Öll tækifæri eru velkomin og álverið á Reyðarfirði var t.d. kærkomið tækifæri fyri Mið-Austurland.

[Jóhanna Lilja Eiríksdóttir (IP-tala skráð) 30.4.2009 kl. 08:25]

Voru útrásarvíkingarnir ekki mannauður okkar?

Eigum við að eingöngu að byggja á þeim mannauði sem getur misnotað vald sitt og peninga eins og þeir gerðu?

við verðum að byggja á fleiri atriðum heldur en mannauðinum einum saman,
blanda af þessu öllu er gott. En afhverju er ekki allt þetta vel menntaða
fólk farið að gera eitthvað ef það hefur svona margar hugmyndir? 
Ríkið eitt á ekki að skapa tækifæri fyrir þetta fólk það verður líka að
skapa sín tækifæri og reyna að koma sér á framfæri, eins og reyndar margir
hafa gert. En á mannauðinum einum saman komumst við aldrei út úr þessum ógöngum sem mannauðurinn hefur valdið okkur og í fyrsta skiptið eru margir á Reykjavíkursvæðinu farnir að gera sér grein fyrir því að peningarnir verða ekki til í Kringlunni heldur er undirstaða okkar Sjávarútvegurinn en við þurfum meira en hann eins og ál og olíu blanda af þessu og einnig mannauðinn en þar verður að vera virkara eftirlit heldur en var með útrásarvíkingunum.

[Róbert Viðar Bjarnason, 30.4.2009 kl. 10:06]

Jóhanna Lilja - Jú, útrásarvíkingarnir eru og voru mannauður og það gæti vel verið að þeim hefði gengið mikið betur ef að stjórnvöld hefðu ekki komið inn og látið þá hafa bankanna á silfurfati með því markmiði að byggja hér um "alþjóðlega fjármálamiðstöð", þar sem patentlausnin voru peningar sem "auðlind", fé sem hafði verið án hirðis og allt það...  Ég er að tala um hugafar sem einkennist af patent lausn eftir patent lausn - en auðvitað eigum við líka að nýta okkur auðlindir hafsins, endurnýtanlega orku og aðrar sjálfbærar auðlindir líka...