Réttlæti og harðræði

Maðurinn hefur í eðli sínu mikla þörf fyrir réttlæti - þetta er grunnurinn að því sem við köllum siðmenntun í dag - ef þessi grunnþörf væri ekki í okkar erfðamengi þá væri einræði líklega ennþá "vinsælasta" skipulagsform þjóðfélaga heimsins.

Maðurinn getur líka sætt sig við mikið harðræði svo lengi sem það er réttlæti en ef það er mikið ranglæti þarf ekki mikið harðræði til að upp úr sjóði - flestir mundu frekar vilja lifa frjálsir (í nafni réttlætis) og fátækir heldur en ófrjálsir og minna fátækir.

Icesave málið er gott dæmi, það er of mikill vafi á því að Íslenskir skattgreiðendur eigi að taka þessa skuld á sig og flestum finnst samningurinn sem er á borðinu ekki réttlátur.  Ef þetta mál fer fyrir viðurkenndan alþjóðlegan dómstól og hvort sem við töpum eða vinnum hefur réttlætið náð fram að ganga.

Framundan eru tímar harðræðis á Íslandi hvort sem við tökum á okkur Icesave eða ekki og líklega stór meirihluti sem er tilbúin að taka á sig meira tímabundið harðræði í nafni þess réttlætis að láta reyna á rétt okkar fyrir dómstólum um þetta erfiða mál.

Skuldbindingin komin í 732 milljarða

Athugasemdir

[Einir Einisson (IP-tala skráð) 11.6.2009 kl. 16:13]

Mikið er ég sammála þér... auðvitað á þetta að fara fyrir dómstóla! Af hverju ætli Bretar taki ekki í mál að þetta fari dómstóla leiðina? Eitthvað hljóta þeir að óttast niðurstöðuna þar...

[óli (IP-tala skráð) 11.6.2009 kl. 16:14]

Við þurfum ekki að hafa neinar áhyggjur af þessu. Það hafa sagt mér það menn er vit hafa á að þegar þetta færi yfir 80 miljarða þá yrði þetta aldrei borgað. Vita menn hvað 730 milljarðar er mikið? Þetta eru þvíliku upphæðirnar að við gæum ekki einusinni borgað vextina af þessu!

Þetta fer bara þannig að þegar við eigum að fara að borga af þessu verður skuldini breitt á þann veg að við td tökum að okkur að mennta fólk í jarðvarma ransóknum,kröfuhafar fá hlut í bönkum ofl þessháttar.

Bretar sömdu við USA um svokallaða láns og leiguhjálp í stríðinu. Þetta voru  gríðarlegir peningar,margföld þjóðarframleiðsla þeirra á þeim tíma.

Þetta var aldrei borgað til baka. Bandaríkjamenn fengu aðgang af Breskum herstöðvum hingað og þangað um heiminn í staðin og málið var látið falla niður.

Þjóðverja átti svo að láta borga e h rosalegt rugl með Versalasamningum 1918 og átti nánast sem þeir frammleiddu að ganga til siguvegarana næstu 80 árin! Það vita nú allir hvernig það endaði. Dómstólaleiðin er ekki fær. Þessar þjóðir geta neitað að koma fyrir dómstóla og munu gera það.

Þetta er ekkert mál. Við hvorki getum né viljum borga þetta svo þetta verður alldrei greitt