Mistök og varnaðarorð Davíðs

Davíð er búin að vara við ofþenslu bankanna lengi.  Auðvitað var einkavæðingin frekar mikið klúður sem hann og Halldór Ásgrímsson bera mikla ábyrgð - þeir voru með áætlun um að selja bankana en síðan kemur 11. September 2001 og þeir hættu ekki við að selja þrátt fyrir heimskreppu sem olli því að engir erlendir stórbankar komu að kaupunum eins og upphaflega hafði staðið til.

Hér er til dæmis umsögn frá Davíð frá því í Mars 2006:
“Útlánaþenslan undanfarin tvö ár er áhyggjuefni, bæði fyrir fjármálalegan stöðugleika og verðbólgumarkmið Seðlabankans. Útlán lánakerfisins í heild jukust um 16% að raungildi á síðasta ári.” Því miður virtust þessi varnaðarorð hafa minni en engin áhrif, því til viðbótar 16% raunútlánaaukningu hér innanlands á árinu 2004 bættist við 25% raunútlánaaukning á árinu 2005. Þessu verður að breyta," að sögn Davíðs Oddssonar.

Og í sömu frétt:
"Á tækni- og tölvuöld upplifum við stundum að það eru aðvörunarbjöllurnar sjálfar sem eru bilaðar og ekki þarf annað að gera en laga þær. Það má vera að það eigi við um einhverjar þeirra sem hringt hafa að undanförnu. En við skulum samt taka þær allar alvarlega og bæta úr hverju og einu því sem réttilega er fundið að, jafnvel því sem smávægilegast þykir."

http://mbl.is/mm/frettir/innlent/2006/03/31/ekkert_lat_a_utlanaaukningu_bankanna_segir_sedlaban/

Ekki setja þjóðina á hausinn

Athugasemdir

[Gulli (IP-tala skráð) 4.7.2009 kl. 18:49]

Sammála hverju einasta orði í þessari færslu þinni. Ætla vanda komu mína hingað.

-Kveðja,

Gulli

[Róbert Viðar Bjarnason, 4.7.2009 kl. 18:58]

w00t - Vegna þess að hann hafði ekki völd til að stoppa þá. Það var á ábyrgð Fjármálaeftirlitsins og Viðskiptaráðuneytisins - einu völd Seðlabankans voru í raun að setja stýrivexti...

[Gulli (IP-tala skráð) 4.7.2009 kl. 19:00]

Bankarnir voru orðnir svo stórir eftir 2006 að það var ekki hægt að stoppa þá. Þeir hefðu bara hótað að fara úr landi hefði eitthvap verið reynt. Helduru að landsmenn hefðu verið ánægðir með það? Ónei...

Mistökin fólust í því hvernig bankarnir voru einkavæddir. Vonandi verður betur að því farið núna.

[Sævar Einarsson, 4.7.2009 kl. 19:23]

Heldur fólk virkilega að ef Davíð segir "afnemum bindiskylduna" eða "einkavæðum bankana" þá sé það bara lokasvar og það gert einn tveir og tíu ? er fólk svona einfalt ? þetta þarf að samþykkja af fleiri aðilum en einum, fara fyrir nefndir og ráð og svo er tekin ákvörðum.

Ég er svo langt frá því að vera Sjálfstæðismaður, aldrei kosið þann flokk og mun aldrei kjósa hann en Davíð lætur ekki vaða yfir sig baráttulaust eins og ríkisstjórnin sem nú er við völd sem lyppast niður og  bugtar sig og beygir fyrir hótunum Breta og Hollendinga sem beita AGS á okkur með svipu og ber okkur til hlýðni og skrifi undir þennan "samning" sem afdankaður og útbrunninn pólitíkus gerði.

[Kolbeinn (IP-tala skráð) 4.7.2009 kl. 19:52]

Tek undir með færslunni þinni.

Óvenjulegt að sjá málefnalega fjallað um Davíð Oddsson. Það skyldi þó ekki vera að brá af fólki brjálæðið?

[Sævar Einarsson, 4.7.2009 kl. 19:59]

Nei Kolbeinn það held ég ekki, fólk á meira en nóg með að borga af sínum lánum og kærir sig ekkert um að borga tæplega 1000 milljarða skuld annarra.

[Kolbeinn (IP-tala skráð) 5.7.2009 kl. 00:26]

Ég var nú að vísa til þess brjálæðis sem runnið hefur á marga þegar reynt hefur verið að ræða skynsamlega um þá stöðu sem við erum í og hvað sé hægt að gera í henni. Sérstaklega hefur þessi geðveiki magnast þegar Davíð Oddsson hefur leyft sér að blanda sér í umræðuna.