Fínn Breskur húmor og áhugaverð sérstaklega í ljósi þess hræðsluáróðurs sem hefur verið í gangi seinasta árið um að Ísland standi nú eitt án verndarhandar Bandaríkjanna og verði því að samþykkja nánast hvað sem er.   Unnum við ekki Þorskastríðið meira á þrjósku og skörungsskap Íslenskra stjórnmálamanna heldur en vegna sambands okkar við Bandaríkin á þeim tíma?

	Hinir þrjósku Íslendingar
Ábyrgðarmaður færslu Tilkynna um óviðeigandi tengingu við frétt

Hef verið dyggur stuðningsmaður beins lýðræðis og styð ákvörðun forsetans heilum hug.  En þegar ég blaðaði í gegnum Fréttablaðið í morgun með hverri fyrirsögninni af annarri sem lýsir hræðilegum afleiðingum ákvörðun forsetans runnu á mig tvær grímur.  En ég jafnaði mig fljótt þegar ég minntist þess hver er eigandi Fréttablaðsins og augljósum ástæðum fyrir þann eiganda að vilja að Icesave málið hverfi úr huga almennings sem allra fyrst.

	Staða Íslands væri stórlöskuð
Ábyrgðarmaður færslu Tilkynna um óviðeigandi tengingu við frétt

Þegar ég heyrði fyrst talað um Landsbankaleiðina frá Svavari í fjölmiðlum þar sem hann lýsti henni sem "breakthrough" varð ég strax mjög efins - auðvitað væri frábært ef Landsbankinn gæti borgað þetta eins og honum bæri sem einkabanka.  Það varð fljótt ljóst að þessi Landsbankaleið virtist vera stórfeld rökvilla frá hendi samninganefndarinnar þar sem ábyrgðin mundi lenda á Íslenska ríkinu á endanum, í samningnum sem þeir komu með heim.  Það þurfti enga Landsbankaleið til að forgangskröfur í þrotabú bankans mundu fara í að borga innistæðueigendum.

Ég skrifaði færslu um þetta sama mál í sumar: Boðið upp í Landsbankaleiðar spuna

Núna virðist vera að koma í ljós að Svavar og hans menn kunna að hafa vísvitandi leynt Íslenska ráðamenn gögnum sem buðu upp á aðra möguleika en þessa Landsbankaleið til þess að gera þeirra "glæsilegu niðurstöðu" trúverðuglegri.  En vonandi hefur ekkert leynimakk átt sér þarna stað, við þurfum ekki meira af svona vinnubrögðum á okkar Nýja Íslandi...

	Steingrímur segist trúa Össuri
Ábyrgðarmaður færslu Tilkynna um óviðeigandi tengingu við frétt

Málþóf hefur alltaf fylgt lýðræðinu, alveg síðan á tímum Rómverja - alþingismaðurinn Cato notaði málþóf til dæmis gegn Julius Caesar árið 60 fyrir Krist og fékk sínu framgengt.

Í mörgum lýðræðisríkjum er í dag hægt að stoppa málþóf með 2/3 meirihluta - spurning um að koma þessari reglu inní nýja Íslenska stjórnarskrá.

Málþóf stjórnarandstöðunnar virðist hafa skilað ágætis málamiðlun, margir af þeim punktum sem þau fengu samþykkta hljóma vel varðandi áframhald í nefnd.

Meira um málþóf (filibuster) hér:
http://en.wikipedia.org/wiki/Filibuster

	Ágreiningurinn leystur
Ábyrgðarmaður færslu Tilkynna um óviðeigandi tengingu við frétt